ULEMAVU NA WALEMAVU.

 Kuna maandiko mbalimbali yanayoeleza kwa mapana zaidi dhana ya Ulemavu,kila moja inajitosheleza na ina mapungufu yake.Kwa hali hiyo basi nami nimekuja na dhana yangu kulingana na uzoefu wangu kuhusu makundi mbalimbali ya walemavu.

Ulemavu ni hali inayotokana na dosari ya kimwili,kiakilina kimaono ya muda mfupi au ya kudumu.

Idadi ya waleamvu Duniani ni kubwa sana kuliko watu wengi wanavyofikiri,hasa watoto wanaozaliwa makubwa zaidi.

Shirika la Afya Duniani (WHO) limeelezea kuwa 10% ya watoto Duniani wana Ulemavu wa aina mbalimbali. Matokeo ya utafiti wa watu wenye ulemavu (Youth with Disabilities Project – 2007) yanaonyesha kwamba asilimia 5 ya watoto nchini Tanzania wana ulemavu wa aina mbalimbali.

Hii ina maana kuwa kila watoto 100 wanaozaliwa, 5 wana ulemavu wa aina mbalimbali.

Sensa ya watu na makazi ya mwaka 2002 ilibainisha kuwa asilimia mbili ya watu wote waliohesabiwa wana ulemavu wa aina mbalimbali. Hivyo basi jumla ya watu 3,456,900 walikuwa ni walemavu kwa kipindi cha sensa hiyo.

Katika sensa hiyo, baadhi ya makundi ya walemavu yalikuwa kama ifuatavyo:

1.      967,932  =  28% - Walemavu wa viungo.

2.      933,363  =  27%  - Walemavu wa kuona

3.      691,380  =  20%  - walemavu wa kusikia

Mbali na hayo, takribani watoto 350,000 wenye umri wa kwenda shule miaka 7 – 13 wana ulemavu.

Takwimu hizo hapo juu zinadhihirisha umuhimu wa Elimu maalum kwa jamii.Nitaelezea kwa kifupi dhana ya Elimu Maalum.

Elimu Maalum ni taaluma anuai inayotolewa kwa watu wenye mahitaji maalum kwa lengo la kuwawezesha watu hao kutimiza malengo yao ya msingi.

Malengo hayo hutofautiana kutokana na mahitaji ya msingi ya kundi husika, kwa mfano malengo ya Elimu maalum kwa watoto wenye ulemavu wa akili ni tofauti na malengo ya Elimu maalum kwa watoto wenye ulemavu wa kusikia na kuona.

Elimu maalum ni taaluma ambayo mtu husoma kwa kipindi maalum na hugawanyika katika fani kuu tatu,ambazo ni:

1.      Fani ya ulemavu wa kusikia

2.      Fani ya ulemavu wa kuona

3.       Fani ya ulemavu wa akili

Fani zote hizi tatu zinafundishwa hapa nchini kwenye vyuo mbalimbali kama Patandi – Arusha ( ndio chuo cha kwanza kwa Elimu maalum nchini) , vingine ni SEKOMU – Lushoto na UDOM – Dodoma.

Makala ijayo nitaeleza kwa kina mlemavu wa kusikia ni nani, anajifunzaje, Vikwazo anavyokutana navyo na namna gani jamii inaweza kumsaidia mlemavu huyu kutimiza malengo yake.

Nakaribisha mjadala kwa makala hizi.

Ibrahim Ayubu

Mwenyekti – NAPD TANZANIA

Mob: 0652 040903 (sms tu)